تدريب بالأزجـــــــــــــــــــــــــــــــال (تجربة من الميدان)

[b][size
تدريب بالأزجال / تجربه من الميدان
________________________________________
تدريب بالازجال/ تجربه من الميدان
اعزائى زوارالموقع الكرام يسعدنى ان اقدم تجربتى اثناء تدريب فرق الجوده بالمدرسة (كدعم فنى )
نعلم جميعا ان فرق الجوده البعض منها يكون مجبر على المشاركه فى عملية الجوده ونعلم ايضا ان مرحلة التهيئه والاستعداد ضعيفه جدا فى المدارس لاسباب كثيره ومتنوعه وبالتالى تسود حاله من الضيق لدى بعض الافراد مما يؤدى الى عدم استيعاب الماده العلميه المقدمه لهم خاصة اذا قدمت بشكل جاف وجامد
ولهذا فقد حرصت على ان ابدأ عرضى بالقاء قطعه زجليه تتناول اهداف اليوم التدريبى او قصه بسيطه يفهم من بين سطورها ماأريد ان اقدمه اليوم
وكانت النتيجه الاقبال والحماس الشديد لعمل ما أطلبه منهم بحب وود وتقدير
فالخلاصه انى قمت بجذب الانتباه بطريقة ما وبالتالى اكون قد كسبت فريق يرغب فى العمل لانى حركت فيه بعض المشاعر المخبؤه وكسرت الروتين التدريبى المعتاد
واليكم بعض الامثله / فمثلا هذا العمل قدمته قبل شرح لمرحلة التقييم الذاتى وتوجد خطوط تحت بعض الجمل يقصد من وراءها توضيح لمفاهيم الجوده وهو بعنوان
عمك تحسين
عمك تحسين اشترى قصر كبير وقديم
ولإنه راجل نزيه وبيحب التغيير
نـــــده لاولاده وقال الحــل إيه
القصــــــــر فيه لخبطــه كثيـــر
ومش عــــارف عاليه من واطيه
قالواله ولايهمك ياوالدى
انشاء الله حنقلبه لك
ونــــــعملك تطـــــــــــــوير
قال اظن انا علمتكم قيمة التنظيم
الاول نسمى ونصلى ونبدأ بأخوكم تقييم
الابن تقييم / أنا جاهز ياوالدى ودى شغلتى
ويـــــــاما كتبت تقـــــــــــــارير
جهز أدواتك ومهاراتك
بس من فضلك بدون تقصير
عايز عيونك كاميرا خفيه
تصور كل صغير وكبير
تقولى إيه الوضع الحالى
وكمان عشر سنين
أنا جيت يا والدى ومعايا التقرير
فيه صفحات بيضاء وكمان سواد كثير
مش مهم يابنى المهم نفكر سو
حـــــانبدأ بميــــن
اما هذا العمل فهو لبيان اهمية تحديد الاولويات
وهو بعنوان/
حكاية الواد سفروت
ســـفروت ولـــــد محـــــــظوظ
بيذاكر ليل ونهار وهو سعيد ومبسوط
وفى يوم تعب وحس بألم خطير
اخذه والده لمستشفى كبير
فى المستشفى الاطباء على كل شكل ولون
دا يجــــرب ودا يخــــــــــرب
واحد يقول دى قرحه
والثانى يقول دى شوية كحه
الام حسنـــــات قـــــالت
سفــــــروت الحيـــــله
لازم يشــــــوفه طبيب
خبرتــــه مش قليله
شخــــص الطبيــــب
وبـــنظره سريعه قال
اعتقد ان عنده قولون
ولازم يتنقل عمليات على طول
الكـــل يوصـــف ويقول
عــــلاجه هو المـــفعول
والصغير يشرب ويجرب للتأكيد
لما وصل لحاله الموت فيها اكيد
فجأةزاره الدكتور تحديد
وقال أبدأبتشخيص جديد
يكون على اساس علمى سليم
اطلب متخصصين فى الاشعه والتحاليل
وحط إيده على مناطق الضعف والهزال
ورتبــــها تــــرتيــــب فـــــــعال
وقال ابدأبعلاج الاكثر تأثير
على جسم الصبى ويكون خطير
وربك كان هو الشافى الخبير
ضـــــحك الاب وقـــــــال
صحيح العلم نور ياحسنات
يابخت من فهم اهمية
تحديد الاولويات
اما هذا العمل فهو لتحفيز المجتمع المدرسى قبل تنفيذ الخطه وهو بعنوان /
أول كلامنا
أول كلامنا سلام
على كل من فكر وقال
تطوير مدارسنا المصريه
بيقوى ويرفع أجيال
من هنا كـــــانت البـــــدايه
فــــــريق مـــــــدربين
خبراء واعيين بدأوا معانا التقييم
واترسمت صوره وبــــــــروفيل
ثانى كلامنا سلامات
على كل من حدد اولويات
اولوياتنا كثيره ولا قليله
حا نعالجها بهمه كبيره
ثالث كلامنا قلنا حانبنى
وآدى إحنــــــــــــا بنينا
خطه لمدرستنا صممناها بأيدينا
ترعاها جهودنا تحرسها عنينا
لأجل نحقق أمانينا وأمانيكم
وإيدينا تسبق اياديكم
وآدى التنفيذ مستنينا ومستنيكم
=24][/size]